Boqolaal Maxaabiis kuna xiran Xabsiga Sacuudiga oo la sii dayn doono

Dhaxal-sugaha Sacuudiga, Amiir Maxamed Bin Salmaan (MBS) ayaa amar ku bixiyey in la sii daayo 850 Maxaabiis ah oo u dhashay Hindi ah oo ku xiran Sacuudiga.

Ra’isul-wasaaraha dalka Hindiya, NARENDARA MOODI ayaa la sheegay inuu ka codsaday Dhaxal-sugaha Sacuudiga in la sii daayo Maxaabiistaasi, kadib, markii ay labada Hoggaamiye ku kulmeen Caasimadda dalkaasi ee Niyuu Delhi.

Tiro-koob bishii hore ay soo saartay Wasaaradda Arrimaha Dibedda ee dalka Hindiya waxaa lagu sheegyay in 2,224 Maxaabiis u dhalatay Hindiya ku xiran yihiin Xabsiyadda Sacuudiga, kuwaasi oo badankooda ku eedeysan dilal, afduub, Laaluush, Khamri iyo Daroogo .

Dhinaca kale, Dhaxal-sugaha Sacuudiga waxa uu Isniintii hore amar ku bixiyey in Xabsiga laga sii daayo 2,100 Maxbuus oo u dhalatay Pakistan, kadib, markii uu la kulmay Ra’isul-wasaaraha Pakistan, Imraan Khaan oo codsaday in la sii daayo Maxaabiistaasi.

Leave a Reply

Your email address will not be published. Required fields are marked *